LEGAZPI CITY- Lugad sa walang abaga an sinapar kan sarong 17-anyos na lalaking joven makalihis na badilon kan sarong pulis sa sarong bar sa Llorente St. Quinale, syudad kan Tabaco.
Padagos pang pig-iimbestigaran kan Tabaco City Police Station an motibo ni PO1 Davey Boy Caño, 24-anyos na residente kan Purok 2 Bagumbayan sa parehong syudad sa pambabadil sa 17-anyos na biktima.
Napag-araman na pulis si Caño asin presenteng naka-disignar sa Catanduanes PPO.
Narekober sa suspek an 9mm taurus na badil mantang duwang basyo man nin bala an nakua sa crime scene.
Tulos na idinalagan an joven sa haraning ospital alagad ipigbalyo sa BRTTH.
Sa ngunyan, nasa kustodiya na kan Tabaco CPS an nasambitan na pulis.
