Gadan an 16 na katawo sa magdamlag na missile asin drone attacks kan Russia sa Ukraine.
Segun sa Ukrainian General Staff, 11 sibilyan an nagadan sa Donetsk region makalihis na tamaan nin missiles kan Russia an saindang harong.
Sa Pokrovsk city na fronline ngunyan kan gera, gadan man an limang katawo sa mag-agang pag-atake kan Russia.
Nadamay man sa pag-atake an energy infrastructures, rason nganing mawaran nin suplay nin kuryente asin tubig an nasa 100,000 na kaharongan sa nasyun.
Hasta sa ngunyan dae pa nin nahihiling na senyales kung nuarin matatapos an lampas sa duwang taon ng gera kan Russia asin Ukraine.
