Gadan an 16 na katawo mantang 20 iba pa an nakidnap sa pag-atake kan mga terorista sa Mambasa kan Ituri province sa Congo.
Segun kay John Vulverio, coordinator kan New Civil Society of Congo, sunod-sunod na inatake kan mga teroristang Allied Democratic Forces an mga kaharongan sa lugar.
Maging an mga paraoma na nagtatrabaho sa saindang omahan an inatake asin pigkidnap man kan mga terorista.
Kaiba sa mga nakidnap an mga residentes, mga lokal na opisyales asin nagkapirang miyembro kan media.
Magigirumduman na haloy ng problema sa nasyun an pag-atake nin mga teroristang grupo na mawot na makinabang sa mga mamahalong mineral.
Nagkapira sa mga ini an nagbubusol kan saindang sadiring mga idolohiya, mawot na magkriar nin sadiring teritoryo asin an iba an naimpluwensyahan kan international terrorist group na ISIS.
