13 persona, arestado sa illegal gambling operations kan PNP Bicol

LEGAZPI CITY – Mas pinakusog pa kan Philippine National Police (PNP) Bicol an kampanya kontra sugal sa tahaw kan pandemya.

Sa duwang magkasunod na operasyon kan mga otoridad nasa 13 persona an naarestar na imbwelto sa iligal na pagsusugal.

Sa nasabing numero, lima an arestado sa Albay, lima man sa Camarines Sur, saro sa Masbate, asin duwa sa Catanduanes.

An mga nasabing suspek an naaktuhan kan mga kapulisan na imbwelto sa iligal na bulang, dice, tong-its, asin iba pang illegal number games.

Nakumpiskar sa mga ini an maabot sa P6,000 na kantidad nin taya, manok na pang-bulang, baraha, dice asin iba pang mga ebidensya.

Kakahampangon kan mga ini an kasong pagbalgar sa PD 1602 o Illegal Gambling asin Illegal Cockfighting na susog sa PD 449 asin Republic Act 9287 o “Lotteng.”