LEGAZPI CITY-Dai mababa sa 13 katawo an nagadan sa magkasuhay na mga pag’atake kan Russia asin Ukraine kan nakaaging aldaw.
Sa Ukraine, pigpuntirya kan Russian mga ciudad kan Zaporizhzhia, Odesa, Kharkiv, Sumy, Donetsk, asin Kryvyi Rih, na nagresulta sa pagkagadan nin mga sibilyan asin danyos sa mga edipisyo.
Sa ibong na lado, an Russia naireport na sarong sibilyan an nagadan sa pagbomba kan Ukraine sa rehiyon nin Belgorod.
Susog sa mga reports, an Russia naggamit nin mga bomba na igwang guided bombs, missile strikes, asin drone attacks na nagkawsa nin mahiwas na danyos asin nakalugad nin labing 50 katawo.
Sa Odesa, sarong pag’atake nin missile an nagtama sa imprastraktura kan mga sibilyan, mantang sa rehiyon nin Sumy tulong tawo an nagadan sa sarong pag’atake nin bomba sa eroplano.
Mientras tanto, an Moscow naireport na an Ukraine nagpuntirya nin nagkapirang barkong kargamento sa Dagat nin Azov, na ginagamit sa pagdara nin mga produkto asin suplay sa agrikultura pasiring sa Crimea.
An mga tensyon padagos na nagdadakula sa labing apat na taon na gera, na ikinahadit kan United Nations huli sa nagin pinakamadugong panahon para sa mga sibilyan poon pa kan Abril 2022.
