Presenteng nahahampang an kabilugang numero na 117 pinoy gikan sa Makati City Office sa mga kaso mapadapit sa Data Privacy Act makalihis na ma-raid kan Presidential Anti-Organized Crime Commission (PAOCC) an mismong opisina kaini.
Segun sa PAOCC, napag-araman suboot kan mga otoridad na nagsisirbing hub para sa mga kadakol na lending application services an opisina na nangha-ha-harass suboot kan mga nag-uutang digdi.
Sa laog kan 131 na mga trabahanteng nasa irarom kan kustodiya kan PAOCC, 14 an nagtugot na magin testigo sa korte asin magin witness kan mga nagigin transakyon sa laog kan hub.
Huli digdi, an 14 na mga trabahante an mapapawarang bisa sa mga pigkakahampang kaining mga kaso mantang an natatada man an mahampang sa piskalya nganing maaraman kun magkakaigwa ba nin paninimbagan an mga ini o wara.
Mientrastanto, matenir na muna sa kustodiya an mga nadakop asin sasampahan nin mga magkakanigong kaso mantang padagos man an PAOCC asin National Bureau of Investigation (NBI) sa imbestigasyon para sa mga posibleng koneksyon kaini sa Philippine Offshore Gaming Operations (POGO).
