Maabot na sa 1,000 square km kan teritoryo kan Russia sa Kursk region an nakontrol kan mga suldado kan Ukraine.
Segun kay Ukrainian President Volodymyr Zelenskiy, inireport ni Commander Oleksandr Syrskyi na magayon an dalagan kan saindang operasyon sa rehiyon kung sain 28 mga lugar na an naisairarom sa saindang kontrol.
Napaatras naman an pwersa kan Russia asin nakapagtugdok na nin kampo sa teritoryo kan Russia.
Kumpiyansa si Zelenskiy na magpapadagos an matrayumpong operasyon sa tabang kan saindang mga kaalyadong nasyun.
Enot naman na kinumpirma ni Kursk region governor Alexei Smirnov na 40 km na kan saindang teritoryo an naagaw kan Ukraine.
Lampas sa 80,000 na Russians naman an pina-ebakwar sa lugar huli sa nagpapadagos na gera.
