LEGAZPI CITY- Dae pa nabibisto sa ngunyan an mga biktima sa nangyaring aksidenteng pagkahulog kan sarong ten-wheeler truck sa Barangay Herrera, syudad kan Ligao.
Sa inisyal na report gikan sa Ligao City Police, nahulog an nasambitan na truck sa riprap na igwa nin langkaw na sampulong metro.
Pigsasabing nagkalayo pa an truck kun kaya tulos na nagresponde an Bureau of Fire Protection (BFP.)
Nagsagibo man nin rescue operation an mga otoridad ngani na maisalbar an drayber asin mga pahinante kan nasambitan na behikulo.
Padagos ining pig-iimbestigaran ngunyan.
