LEGAZPI CITY- Bagsak sa karsel an 10 katawo huli sa pagkakaimbwelto sa iligal na tupada sa Barangay Tula-Tula Grande, Ligao City.
Segun sa report kan Ligao PNP, binisto an mga naarestar na mga suspek na naaktohan na nagtataya na sinda Ricky Penda Palma, Jade Lucardo Pinoy, Louie Rea Bonde, Eusebio Balmes Orel, Eddie Wogwog Peninoy, Jonny Llamasares Arnesto, Michael Pebres Celeste, Aldrin Cornillo Tolarba, Rodel Murcia Santos, asin Roy Rubas Rastrullo.
Napag-araman na nakaresibe nin report an PNP manungod sa nangyayaring iligal na bulang nin manok sa tagong lugar sa nasabing barangay hali sa sarong concerned citizen.
Tulos na nakapagpadara nin mga personahes an Ligao CPS kung sain naaktohan an mga suspek na nagtataya sa bulang kan manok.
Arestado an 10 sa mga ini na tulos na dinara sa hepatura kan pulis.
Nahahampang an mga naarestar sa kasong pagbayolar sa Presidential Decree 449 o an “Cockfighting Law of 1974″na pig-amiendaran sa Presidential Decree 1602.
