Laoman na an saro hasta duwang tropical cyclone an piglalaomang malaog sa Philippine Area of Responsibility (PAR) ngonian na bulan kan Hunyo segun sa Philippine Atmospheric, Geophysical and Astronomical Services (PAGASA).
Basado sa weather forcast kan state weather bureau ngonian na semana na may apat na posibleng tahakon an mga bagyo ngonian na Hunyo kun sain pwedesir magluwas sa walang parte o recurving scenarios asin posibleng tumama sa daga o landfalling scenarios.
Paliwanag kan weather bureau, maski dae tumama an bagyo sa Pilipinas, posibleng mapakusog kaini an habagat na magkakawsa nin makusog na pag-uran sa nacion.
Enot nang idineklara kan PAGASA kan Biyernes an opisyal na pagpopoon kan habagat season, na hudyat kan paglaog kan tag-uran sa nacion.
Sa kaso man kan landfalling scenarios, posibleng tumama an bagyo sa sirangang parte kan Southern Luzon o Eastern Visayas, asin malipat pasiring sa West Philippine Sea bago magtama sa Vietnam asin Hong Kong.
Padagos man an pag-uran sa kadaklan kan Luzon huli sa habagat, mantang piglalaomang magigin maliwanag man an panahon sa Visayas asin Mindanao ngonian na semana.
 this June according to the Philippine Atmospheric, Geophysical and Astronomical Services (PAGASA)){kind=link}