Saro an binawian nin buhay mantang 37 iba pa an nalugadan sa nangyaring stampede sa Rwanda durante kan kampanya ni Presidente Paul Kagame para sa paparaning eleksyon.
Nangyari an insidente kan baluon kan mga residentes na ranihan an presidente kan magbisita ini sa Rubavu.
Huli sa dakol kan tawo, nagkatulakan asin nagsurosuan hasta sa natumba an iba na nagresulta sa stampede.
Tulos na nagpahayag nin kamunduan asin nagpaabot nin pakikidumamay si Kagame sa mga kaparientes kan biktima sa insidente.
Si Kagame an Presidente kan Rwanda sa nakalihis na 24 taon kung sain pirme ining nanggagana nin 99% kan boto.
Kalaban kaini sa presidential election na isasagibo sa Hulyo 13 si Frank Habineza kan Democratic Green Party of Rwanda asin an independent candidate na si Philippe Mpayimana
