Nagsakat na sa 1.4 million an numero kan mga pasaherong nagdagsa sa Parañaque Integrated Terminal Exchange (PITX) poon kan Marso 22 sagkod kasubanggi kasabay kan selebrasyon kan Semana Santa.
Segun sa Department of Transportation, piglalaoman na madudugangan pa an naunambitang numero huli ta labi sa 3 milyon na pasahero an piglalaoman na mapasiring sa terminal ngonian na semana.
Pigkakarkulong 250,000 na pasahero an nag-aagi sa PITX kada aldaw, na nagin rason kan implementasyon kan mas mahigot na seguridad asin dagdag na inspeksyon.
Ibinugtak man an mga K-9 units, X-ray machines, asin surveillance systems nganing masyerto an kaligtasan kan mga biyahero.
Afuera pa kaini, nagtao man nin P10,000 na fuel subsidy an gobyerno sa kada bus unit nganing matabangan an mga operators sa hampang kan padagos na paglangkaw kan presyo kan langis.
Piglalaoman na an Semana Santa iyo an pinakadakulang pagdagsa nin mga pasahero ngonian na taon, na liwat na nagpapahiling kan importansya kan PITX bilang mayor na sentro nin transportasyon sa Metro Manila.
 from March 22 to last night has risen to 1.4 million in conjunction with the celebration of Easter.){kind=link}