LEGAZPI CITY-Pigkwestyun kan presenteng sanggunian an ₱39.1-M Flood Control Phase II sa Barangay Travesia Guinobatan Albay huli sa suboot kontrobersiya na dai pa ini natatapos.
Segun kay Barangay Captain Miguel Manuel Garcia, sa intrevista kan Bombo Radyo Legazpi, na wara pang kasunod an nasabing proyekto asin pighahalat pa ninda an paliwanag dapit sa kun napano ini.
Pighahalat man suboot kan presenteng sanggunian an pagbaba kan proyekto hale sa national government asin kun hahaputon man suboot sinda, an dai ninda sierto kun natapos na an nasabing mga proyekto.
Nakikipag-koordinar naman suboot sinda sa Department of Public Works and Highways (DPWH) alagad sa ngonian an wara pang update manungod digdi.
Sinabi man ni Garcia na delikado para sa saindang Baranagy orog na sa purok 4 an mga pagbabaha huli sa warang proteksyon an mga residente.
Haloy naman suboot an nasabing phase 1 alagad sa ngonian an dai pang implementasyon kun igwa nang phase 2 an nasabing proyekto.
Magsasagibo man suboot sinda nin beripikasyon katuwang an Department of Public Works and Highways para magkaigwa sinda nin giya dapit sa mga siring na bagay.
Pangapudan man kan opisyal sa gobirno na kun may budget na an dapat maimplementar ini mantang wara pang makukusog na bagyo asin uran na makakaapektar sa concerned area.
Magigirumduman na basado sa ipinaluwas na website kan Presidente an nasa ₱39.1-Milyon an pondo kan rehabilitasyon sa Travesia para sa Flood Control Phase II asin nagluluwas sa record na completed na ini kan Hulyo 15, 2023 alagad segun sa sanggunian kan nasabing Barangay an dai pa ini tapos sa presente.
