Nagsunad si Senate Majority Leader Juan Miguel “Migz” Zubiri nin propwestong ley na obhetong i-reset an kaenot-enoting parliamentary elections kan Bangsamoro Autonomous Region in Muslim Mindanao (BARMM) sa Marso 30, 2026.
Ipigsuhestyon kan Senate Bill No. 1587, ang pag-amyenda sa Bangsamoro Organic Law (BOL) nganing tawan-linaw an legal na batayan kan eleksyon asin itakda an pagpupuon kan termino kan mga maeelihir na opisyal sa Abril 30, 2026. Nakapalaog man digdi an pagsabay kan mga masunod na eleksyon sa BARMM sa pambansang eleksyon sa 2028 asin kada tulong taon pagkatapos kaini.
Segun ki Zubiri, labi sa anom na taon na an nakalihis puon kan maitatag ang BARMM alagad dae pa man liwat nakakaboto ang mga namamanwaan para sa saindang mga lider, bagay na salungat sa obheto kan sadiring pamamahala asin sadiring pagdesisyon kan rehiyon.
Dugang pa kan senador na nagin kawsa kan pagka-octaba an mga desisyon kan Korte Suprema na nagtanggak sa Sulu bilang parte kan BARMM asin 2025 redistricting law kan Bangsamoro Parliament, na nagbunsod nin panibagong paghahanda sa mga distrito asin istruktura kan eleksyon.
Sa irarom kan propwesto, matinir muna an Bangsamoro Transition Authority bilang paramientras na gobierno sagkod sa maelihir asin makatukaw an mga bagong opisyal sa paagi kan automated election.
