Tulos na pinuunan ni bagong Cavite Governor Athena Tolentino an saiyang trabaho bilang pamayo kan provincia.
Si Tolentino an dating bise gobernador asin nagribay ki dating governor asin ngunyan DILG Sec. Jonvic Remulla.
Sa edad na 26-anyos si Governor Athena an pinaka joven asin enot na babaying gobernador kan Cavite.
Marurumduman na nanumpa an gobernadora kasuudma, kun sain kaibanan niya an ama na si Philippine Olympic Committee President Abraham “Bambol” Tolentino asin ina na si Agnes Tolentino.
Kun babalikan, na-appoint si Gov. Tolentino kasunod kan appointment ni Sec. Jonvic bilang pamayo kan Department of Interior and Local Government, na nagribay man ki dating Sec. Benhur Abalos Jr. na nagsumiter nin kandidatura bilang senador.
