Kinontra ninda House Assistant Majority Leaders Pammy Zamora kan Taguig City, Zia Alonto Adiong kan Lanao del Sur, asin Jay Khonghun kan Zambales si Vice President Sara Duterte katakod kan pigtaram kaini na dae niya pinagbantaan an buhay kan first couple asin Speaker Martin Romualdez.
Ikinabahala ninda Zamora, Adiong, asin Khonghun, mga lider kan Young Guns sa Kamara, an pagnigar ni Duterte sa saiyang mga pigtaram sa sarong online press conference na igwa siyang kina-olay na pag-gadan sa first couple asin Speaker Martin Romualdez kapag igwang nangyari sa saiya.
Sa sarong pahayag ipignigar ni Duterte na pinagbantaan kaini an Pangulo.
Pigtaram ni Zamora na an biglaang pagbaliktad ni Duterte an sarong desperado asin baluktot na pagbalo na halion sa isip kan publiko an saiyang mga pigtaram.
Para man kay Adiong, an mga pahayag ni Duterte an dapat hilingon bilang seryosong huma sa pambansang seguridad asin nangangaipuhan nin tulos na imbestigasyon.
Pigsabi ni Adiong na bako ini an enot na pagkakataon na pigbalo ni Duterte na iligaw an publiko.
Makapirang beses na suboot na piglikayan kan Bise Presidente an paninimbagan hale sa pagnigar na i-eksplikar an ginibong paggastos sa P125-milyong confidential fund sa laog kan 11 aldaw hasta sa pagtatao nin palusot sa iligal na paglilipat kan pondo kan DepEd asin OVP.
Pig-enganyar ni Khonghun an National Bureau of Investigation (NBI) na parikason an saindang imbestigasyon sa kaso, pigtawan doon na an mga banta laban sa Presidente an sarong seryosong orolay asin sarong importanteng isyu kan pambansang seguridad.
