LEGAZPI CITY-Ipigsasagibo an Wrist band tagging para sa mga kaakian na naglalaog kan sementeryo sa Bicol Memorial Park sa Legazpi City.
Segun kay Legazpi City Police Station Sector Supervisor Police Captain Domingo Balla, sa intrevista kan Bombo Radyo Legazpi, na piglalag ninda an mga wrist band sa mga aking 6-anyos pababa ngani madali sindang mahanap enkaso mahiwalay ini sa saindang mga magurang.
Nakalaag suboot sa wrist band an pangaran kan mga aki asin an contact numbers kan saindang mga magurang.
Nasa 500 na mga kaakian na man suboot an nalaagan ninda nin mga wrist band tag.
Bilog man an puwersa kan kapulisan sa ciudad katuwang an iba pang mga ahensya ngani magin matoninong an pagselebrar kan Undas ngonian na taon.
Sa presente an wara man nin nairehistrong nawawarang aki sa sementeryo asin wara man nin insidenteng nangyari sa lugar.
Pagirumdom kan opisyal sa gabos na kun ano man an ipinagbabawal na darahon, an dai na pagdarahon pa asin pirmihang magin mapag-pasensya huli sa normal suboot an gabat kan trapiko sa siring na mga panahon.
