LEGAZPI CITY-Sinabi kan pinuno kan World Health Organization na labi an saiyang pagkahadit sa marikas na paglakop asin pahewas kan sakop kan Ebola virus huli sa pagdagdag kan mga kaso.
Dai mababa sa 500 an pinagtutubudang tinamaan kaini asin nasa 130 an pinagtutubudang nagadan huli sa Ebola virus.
Sinabi ni World Health Organization Director General Tedros Adhanom Ghebreyesus na nangyari ini poon kan liwat na magsiklab an nabanggit na virus.
An mga nabanggit na kasi, enot na nagsiklab sa sirangang parte kan Democratic Republic of Congo.
Igwa man nin 516 na pinagtutubudang tinamaan kaini asin nasa 33 an kumpirmadong igwang virus sa Congo.
Susog an mga datos na ini sa pang-urualdaw na bulletin na nairehistro kan mga otoridad sa salud asin duwang kumpirmadong kaso sa Uganda.
Basado sa datos ng WHO, an Ebola virus, kawsa kan mga virus na kaiba sa genus na Orthoebolavirus (or-thoh-ee-boh-lah-vy-rus) genus na kaiba sa filoviridae (Fee-loh-veer-ih-dee) family.
An Ebola virus, sarong bihira alagad malalang helang sa mga tawo asin madalas ining nakakagadan.
Enot na nairehistro an helang kan taong 1976 sa Nzara na ngonan South Sudan asin sa Yambuku na ngonian iyo an Democratic Republic of the Cong.
Huring nairehistro an Ebola virus harani sa village sa Ebola River, kun sain ipinangaran an nasabing helang.
