LEGAZPI CITY- Katakod kan ikukudusir na learning session sa Bicol, target kan Department of Trade and Industry (DTI) Competitiveness Bureau na magin “world-class” an performance kan mga negosyante sa Pilipinas.
Sa intribista ki Philip Jason Roque, Acting Division Chief kan ahensya, tutukaron man sa nasambitan na aktibidad an papel kan sarong lider sa pagkakaigwa nin matrayumpong negosyo.
Kun ia-adaptar suboot an programa na ginamit kan Estados Unidos, mapapabaskog an negosyo asin mauutob an Executive Order na pinirmahan ni dating Presidente Fidel V. Ramos kan taong 1997 na pagmantinir sa magayon na estado kan ekonomiya kan Pilipinas sa paagi kan mga “globally competitive” na kumpanya.
Sigon pa ki Roque, dakol na an nagagamit kan nasambitan na istilo kun kaya ngunyan, dinara ninda ini sa Bicol ngani na iheras sa mga negosyante digdi.
Inimbitaran man suboot ninda an resipyente kan Philippine Quality Award ngani na magsirbeng inspirasyon sa mga maatindir sa aktibidad.
