Inako ni dating Landbank department manager Violeta Constantino na an withdrawals kan Office of the Vice President (OVP) nin dakulang kantidad nin kwarta na may kabilugan na P500 million an ‘unusual.’
Ini an kasunod kan pagtestigo kan nasabing bank manager durante kan impeachment trial kontra ki Vice President Sara Duterte.
Ini an katakod kan apat na tseke na nagkakantidad nin tig-P125 million, na na-encashed ni OVP special disbursing officer Gina Acosta.
Kan mahapot ni Senator-Judge Erwin Tulfo kun an kaparehong mga transaksyon kan sarong ahensya de gobierno an normal, sinabi ni Constantino na warang ibang ahensya na nahiling siya durante kan saiyang termino na igwang kaparehong transaksyon.
Napag-araman na an nasabing bank official an nagtrabaho sa nasabing bangko sa laog nin 32 na taon.
