LEGAZPI CITY-Inanunsiyo ni US President Donald Trump an nakatakdang pagbaba sa puwesto ni White House press secretary Karoline Leavitt.
Segun kay Trump na hasta sa katapusan na sana kan bulan kan Agosto magtetenir si Leavitt sa puwesto.
Dagdag pa kaini na saiyang pigrerespeto an desisyon ni Leavitt huli ta mawot ning matawan nin prioridad an paa-alaga sa saiyang aki.
An 28-anyos na si Leavitt, nagin White House Press Secretary kan nakaaging taon.
Siya an pigkokonsiderang pinakajoven na opisyal na naitalaga sa puwesto.
Kan nakaaging bulan, pinangaki niya an ikaduwa niyang aki kan saiyang agom na si Nicholas Riccio.
