Makalihis an apat na taong pagtago, naglantad na si Julie “Totoy/Dondon” Patidongan, an whistleblower sa kaso kan 34 nawawarang sabungero, nganing magsunad nin reklamo laban sa 12 pulis na suboot imbuelto sa pagkidnap asin paggadan sa mga biktima.
Sa isinunad na affidavit complaint sa Napolcom kan Lunes, Hulyo 14, sinabi ni Patidongan na pwedesir mag-abot sa labi 100 an tunay na numero kan mga nawawarang sabungero.
Sa sarong press conference, inilahad kaini na dinara suboot an mga sabungero sa sarong farm harani sa Taal Lake na pig-upahan suboot kan saro sa mga pulis bago ginadan asin itinapok an mga bangkay sa lawa puon 2021 sagkod 2022.
Mantang dae man sinabi kun sisay an nagpatanid sa saiyang pamilya, direkta kaining ipigbale an negosyanteng si Charlie “Atong” Ang na utak suboot sa krimen, asin sinabing isinugo kaini an paggadan sa mga sabungerong pigdududahang nandaya o nagma-match fixing.
Pignigaran man ni Ang an mga alegasyon asin nagsunad man nin kaso laban ki Patidongan, kaiba an robbery, grave threat, asin paninirang-puri.
Padagos man nagkukundusir nin search operations ang Philippine Coast Guard sa Taal Lake, kun saen limang sako kan mga sulong tulang kan tawo asin hayop an nadukayan na sa irarom kan tubig.
Susog sa Napolcom, piglalaomag maluwas sinda nin resolusyon sa laog kan 60-aldaw katakod kan mga reklamong isinunad ni Patidongan.
