Huli sa mga reklamo nin paghaharass asin pangungulog, lilimitaran na kan lokal na gobyerno kan San Juan an Wattah Wattah’ Festival sa masunod na taon.
Segun kay Mayor Francis Zamora, nakaabot na saiya an mga report na may mga sapiritan na dinumog asin may kinulogan pa durante kan festival kan nakalihis na Hunyo 24.
Naghahagad nin dispensa an alkalde sa mga naapektaran kan aktibidad asin nagpromesang kakasohan an mga nangharass siring kan mga kalalakihan na nanuntok asin nangpasa pa nin cellphone nin sarong rider.
Ngani na maibitaran na an kaparehong mga insidente, plano kan lokal na gobyerno na magkaag nin “Basaan zone” kung sain sana pwedeng isagibo an pagdudugdog nin tubig.
Ikakaag sana ini sa Pinaglabanan road na lugar kung sain sana pwedeng magdugdog nin mga nag-aagi asin pwedeng magtiripon an mga makikiogma sa festival.
Mientras tanto, sarong persona naman an nasangatan nin kaso makalihis na mangsabwag nin moriatic acid sa mga nakikidugdog man nin tubig sa festival.
