LEGAZPI CITY — Magigin maray na suboot an suplay nin tubig sa banwaan kan Daraga kasunod kan pagpuon kan partnership kan Daraga Water District sa sarong pribadong kumpanya.
Segun ki Maria Annie Jaucian, manager kan DWD, huli sa pribado an saindang katabang ngunyan, masisimbagan na an mga problema kan mga konsumedores siring kan mga nagli-leak na tubo.
Limitado kaya suboot an pondo kan DWD asin mahahaluyan man kun makua pa sinda nin loan kun kaya dae tulos nasusolusyunan an mga reklamo kan konsumedores.
May resources man suboot an nasambitan na pribadong kumpanya kun kaya ngunyan, mariribayan na an mga lumang tubo asin mas mapaparekas an development asin paghiro kan mag papakarahayon.
Apwera kaini, mariribayan naman an mga lumang transmission lines ngane na mabawasan an non-revenue water.
Segun pa ki Jaucian, istrikto nindang pigmo-monitor kun nasusunod kan kumpanya an mga nakasurat sa kontrata.
Pig-aadalan pa man suboot an pagdugang kan itataong reward sa mga personang mareport kan illegal connection.
Makikipagtabangan man an Daraga Water District sa barangay council ngane na may maitao mang ayuda sa barangay.
