LEGAZPI CITY-Ipinahayag kan Legazpi City Water District (LWCD) na igwang signipikanteng epekto sa suplay kan tubig an krisis sa produktong petrolyo.
Segun ki Legazpi City Water District General Manager Rico Salazar, sa intrevista kan Bombo Radyo Legazpi na bako ini direktang epekto sa tubig kundi sa pigbabakal na gamit asin iba pang inputs.
Sinabi man niya na an mga gamit kan water district, pigkukuwa sa ibang nacion orog na an mga tubo asin water liters.
Enkaso suboot na mas halangkaw an presyo kan pagdadara sa ibang nacion, kinakaipuhan man ninda ining gastusan alagad dai suboot sinda pwedisir maglangkaw sa singil kun warang clearance hale sa lokal na administrasyon.
Tinawan linaw man niya na igwang pig-aapod na ‘currency devaluation’ na pigagamit ngani mapalangkaw an presyo siring kan sa Manila Water asin Maynilad na nagkakaigwa tulos nin proposal para sa taas-singil.
Piglalaoman man kan opisyal an kritikal na parte kan gobierno ngani maprotehiran an mga industriya asin mga namamanwaan.
Kabale na digdi an pagtutok sa posibleng suplay disruption asin iba pang probalem sa presyo kan gasolina asin babarakalon kasabay an mga kaipuhan kan water district.
Dakula man suboot an ‘collateral damage’ kaini sa water district orog na sa ‘cost operation’ na dapat mamantenir huli sa paglangkaw kan fuel asin electricity prices.
Dugang pa kan opisyal na may epekto man an paghababa kan piso kun sain halangkaw an foreign currency denomination equivalent sa dolyar, na kinakaipuhan ikonsidera huli sa nagkakaigwa nin paglangkaw sa shipping cost kan gasolina asin babarakalon, magin sa delivery kan mga kemikal para sa water treatment siring kan ‘Bulbs’ asin ‘Sculps’.
Abiso sa publiko na magtipid sa tubog asin hilingon an mga leak ngani mabawasan an nae-eksperyensyahang kadifisilan huli sa krisis.
