LEGAZPI CITY – Nagtutubod an sarong basketball coach na nagtetenir na llamado an Golden State Warriors kontra sa Toronto Raptors sa paghahampang sa NBA Finals.
Sa intrevista kan Bombo Radyo Legazpi ki Coach Alex Niebres, maikokonsiderar man giraray na powerhouse an team kan Warriors sa back-to-back na mga kampeonato.
Dakulang advantage suboot kun anas magkawat an mga star player kan team sa pangengenot ni Stephen Curry, Kevin Durant asin DeMarcus Cousins.
Maurag suboot si Durant sa two points asin three points mantang si Cousins man bilang three-pointer.
Sa ibong kaini dae suboot dapat na magpakakumpiyansa an Warriors, urog na kan Nobyembre 29 asin Disyembre 12, 2018 kan madaog an team kan makakatapat na Raptors.
Si Kawhi Leonard man an pighihiling ni Coach Alex na magpapaangat sa team sa pointing siring man si Pascal Siakam.
Marikas man suboot na maiko-convert sa points an bantol na pagkawat alagad ‘best assists’ ni Marc Gasol.
Ngonian palang pigpipilian naman kan mga aficionado sa basketball asin sports analysts sinda Leonard, Durant asin Curry bilang Most Valuable Player kan season.
Mientras tanto sa kamawotan kan duwang team na makapwesto bilang champion, posible man giraray na magin suway an kakaluwasan sa mga nagluluwas na prediksyon.
Sa Biyernes, Mayo 31 an nakatalaan na enot na paghahampangan kan Warriors asin Raptors.
