Ipigdoon ni Gilberto Teodoro Jr. na wara nin direktang huma sa Pilipinas gikan sa naglalalang iriwal sa Middle East, asin warang basehan an kahandalang madadamay an nasyon huli sa pakikipag-alyansa kaini sa Estados Unidos.
Segun sa kalihim, dae mai-papareho sa Indo-Pacific an sitwasyon sa Middle East, asin an mga bilateral asin multilateral alliances kan Pilipinas an para sana sa depensa asin deterrence, bako partisipasyon sa mga external wars.
Naenot na mang sinabi kan Armed Forces of the Philippines na warang military threat sa pambansang seguridad.
Bilang pamayo kan Department of National Defense asin chair kan National Disaster Risk Reduction and Management Council, sinabi ni Teodoro na nakikipagkoordinar sinda sa Department of Migrant Workers asin Department of Foreign Affairs para sa repatriation kan mga Pilipino sa mga apektadong lugar.
