LEGAZPI CITY—Timbog an sarong Most Wanted Person kan Masbate City makalihis an 16 na taong pagtatago sa Barangay F. Magallanes, Masbate City.
Binisto an akusado na si alyas “Robert”, 45-anyos, lalaki, warang agom, sarong laborer asin residente kan Barangay Tugbo, Masbate City.
Nahahampang an akusado sa kasong Murder na warang piyansa basado sa iniluwas na warrant of arrest kan RTC Branch 44, Masbate City, kan Mayo 4, 2009.
Naarestar ini kan pinagsarong operatiba kan Masbate City Police Station, Regional Intelligence Division – Regional Special Operations Unit 5 Team Masbate asin Masbate 2nd Provincial Mobile Force Company.
Sa presente nasa kustodiya na an akusado kan Masbate CPS para sa dokumentasyon asin pagsunad nin magkakanigong mga proseso.
