LEGAZPI CITY – Dae na nakadulag pa an sarong suspek sa statutory rape o panlulugos sa sarong menor de edad makalihis ining maarestar kan mga otoridad.
Nabisto an akusado na si Reymond Icaonapo, 26-anyos, residente kan P-2 Barangay Bongabong, syudad kan Tabaco.
Naarestar an suspek sa paagi kan mandamiento de aresto na ipinaluwas ni Hon. Judge Alben Casimiro Rabe kan RTC Branch 16 kan syudad kan Tabaco huli sa pagbalgar kaini sa RA 7610 o mas bisto bilang Special Protection of Children Against Abuse, Exploitation and Discrimination Act.
Wara man na rekomendadong piyansa para sa nasambitan na kaso na nakomiter ni Icaonapo.
Sa presente nasa kustodiya na kan Tabaco City Police Station an suspek para sa magkakanigong disposisyon.
