LEGAZPI CITY—Kalaboso an sarong wanted person sa banwaan kan Malinao, Albay sa kinundusir na operasyon kan mga otoridad.
Binisto an akusado na si alyas “Mar”, 43-anyos, asin residente kan nasabing banwaan.
Nahahampang ini sa mga kasong pagbalgar sa Chain Saw Act of 2002 – Section 7 (4) kan Republic Act 9175 na may piyansang P48,000 asin pagbalgar sa Republic Act 8048 na inamyendahan kan Republic Act 10593 o Coconut Preservation Act na may piyansang P24,000.
Sa presente nasa kustodiya na ini kan Malinao Municipal Police Station para sa magkakanigong disposisyon.
