Kinumpirmar kan Department of Migrant Workers (DMW) an pagpapalibre kan gobierno kan Malaysia sa walong Filipino seafarers.
An nasambitang mga seafarers an crew kan MT Krishna na naarestar huli sa pagbalgar sa immigration laws asin nakarsel sa Kota Tinggi, Malaysia.
Susog sa DMW, na nagluwas nin desisyon an Prosecutor’s Office sa Johor na palibrehon an mga naarestar na seafarers.
Iniluwas an desisyon makalihis an ginibong pagbisita kan DMW ngunyan na Biyernes, Abril 18.
Naghahanda na ngunyan an DMW kairiba an Overseas Workers Welfare Administration sa Kuala Lumpur nin repatriation kan mga Pinoy seafarers pabalik sa Pilipinas.
Nakaolay na man kan DMW an mga kaparientes kan mga seafarers kun saen sienerto ninda sa mga ini an saindang kaligtasan.
Magigiromdomang kan Abril 11 an walong Pinoy seafarers asin 12 Indian crew members an ikinarsel sa Royal Malaysian Police sa Kkota Tinggi Police District Headquarters sa Johor.
Nakalaog an mga ini sa Malaysia nin warang mga pasaporte asin ano man na legal na dokumento.
 confirmed the Malaysian government's release of eight Filipino seafarers.){kind=link}