LEGAZPI CITY- Nakapagrehisto an Phivolcs nin anom na pagyugo sa bulkan Bulusan sa nakalihis na 24 oras base sa saindang seismic monitoring.
Dae man naobserbaran an crater kaini huli sa mahihibog na aso.
Nasukol an asupre sa 14 tonelada kada aldaw.
Nagtitinir sa alert level 1 an nasambitan na bulkan.
Ini huli sa hydrothermal activity na pwedesir na magkawsa nin phreatic eruptions.
Padagos na pigpapatanidan an publiko na dae maglaog sa 4-kilometer radius Permanent Danger Zone (PDZ) asin sa 6-kilometer Extended Danger Zone (EDZ) huli sa posibilidad nin delikadong pagtuga kan bulkan.
Dapat man na magin marigmat an mga residentes na nakaistar sa may mga salog sa southeast, southwest asin northwest kan Bulusan kontra sa sediment-laden stream flows asin lahar in kaso magkaigwa nin makusog na pag-uran.
Mahigot na pigtututukan ngunyan kan Phivolcs an kondisyon kan bulkan Bulusan.
