Inaresto kan Quezon City Police si dating vice presidential candidate Walden Bello huli sa kasong cyber libel.
Isinangat an kaso ni dating Davao City Information Officer Jefry Tupas.
Sa pitong pahinang resolution na iniluwas kan Hunyo 9, naporbaran na nagbayular sa Revised Penal Code asin Cybercrime Prevention Act of 2012 an dating lehislador.
Segun sa stafd ni Bello na enot ining dinara sa station 8 kan QCPD antes ilipat sa Camp Karingal.
Sinabi ni QCPD Director Remus Medina na inarestar si Bello bandang alas-5 nin hapon kasuodma sa harong kaini sa Quezon City.
Binista man si Bello kan running mate sa election 2022 na si labor leader Leody de Guzman kan maaraman na naarestar ini.
