Inihayag ni Securities and Exchange Commission (SEC) Director Gerardo del Rosario na warang naisunad sa saindang ahensya na opisyal na dokumento nin na nagpapatunay na inilipat ni Vice President Sara Duterte an saiyang ownership sa nagkapirang kumpanya pasiring sa ibang tawo.
Nagluwas an pahayag makalihis haputon ni Senator-Judge Risa Hontiveros an testigo kan prosekusyon kun igwang naisumiter na pormal na dokumento sa SEC dapit sa pigtataram na pag-divest kan bise presidente sa mga negosyong enot na pigtutukar sa impeachment trial.
Paliwanag ni Del Rosario, igwang nagkapidang kumpanya kun sain dae man nagluwas an pangaran ni Duterte bilang stockholder o director sa mga nagsunod na General Information Sheet (GIS).
Nilinaw man kan testigo na an solamenteng basehan kan SEC sa pagkawara kan pangaran kaini iyo an naglaog na GIS sana asin warang suway na legal na papel na nagpapatunay kan pormal na magpapasa kan ari-arian.
Dugang pa kan SEC official na sa iba pang kumpanya na pigtutukar sa paglilitis an wara siyang nahiling na anuman na indikasyon sa mga kasunod na GIS na nag-divest o nagbutas sa pwesto an bise presidente.
