Sinimbag ni Vice President Sara Duterte an mga naging pahayag ni Presidential Communications Office Usec. Claire Castro kun saen pigtaram kaini na dae man nadangog kan kan nakaagi na pigtaram ni dating presidente Rodrigo Duterte na pigkakapareho kaini an sadiri sa nagadan nang senador na si Benigno ‘Ninoy’ Aquino.
Bwelta kan Bise Presidente, an mismong pinagpunan kan saiyang mga pahayag sa isinagibong programa sa The Hague, Netherlands an base sa kung ano an nangyari dati sa dating senador na dae na man suboot mababago asin mabubura pa giraray sa kasaysayan.
Segun sa Bise Presidente, ini sana an nagpapahihiling kun ano an kapasidad kan saindang administrasyon nganing gibuhon an siring kaining klase nin mga bagay kabale na suboot an extraordinary rendition kun saen an kinuwa suboot ninda nin warang warrant an saiyang ama asin dinara sa The Hague nganing ihampang sa International Criminal Court (ICC).
Nilinaw man kan ikaduwang presidente na dae na man si dating presidente Rodrigo Duterte an nagpahayag na baka maarug an sitwasyon kaini sa sinapit ni dating senador Ninoy Aquino kun bako hale mismo saiya.
Paliwanag niya ini an saiyang nasabi huli ta ini an saiyang mga kahandalan para sa buhay kan saiyang ama na presenteng nasa detention facility.
Dugang pa kan Bise Presidente, malinaw na mawot na kan dating opisyal na umuli sa Pilipinas huli ta ini an paulit-ulit niyang pigsasabi sa kada mabisita ini sa saiyang ama sa laog kan pasilidad.
Mientrastanto, para man sa dating opisyal, bako na ini sarong kahandalan pa huli na man sa saiyang edad asin tapos na man suboot an mga dapat kaining gibuhon afuera sa kagustuhan kaining malawos na maging Mayor kan Davao ngonian na pirilian.
