LEGAZPI CITY-Sinabi ni Vice President Sara Duterte na posible suboot makakua nin gun-for-hire sa Pilipinas sa kantidad na P5,000, mantang inilaladawan an suboot lakop na insidente kan gun violence sa nacion.
Sa saiyang talumpati sa “Free Duterte Now” rally sa luwas kan International Criminal Court (ICC) kan Miyerkules, Hulyo 29, guminamit an Bise Presidente nin sarong hypothetical situation na kinaiimbueltuhan kan saiyang agom na si Atty. Manases “Mans” Carpio ngani ipaliwanag an saiyang punto.
Segun sa Bise, enkaso magkaigwa suboot nin kabit an saiyang agom, posible siyang mag-renta nin gunman sa kantidad na P5,000 ngani ipagdan an nasbaing babayi.
“I have a husband. My husband has a mistress. I can hire a gunman for ₱5,000 to kill the mistress. That is how, for ₱5,000, that is how bad gun violence in the Philippines is. And that is, again, yes, EJK,” pahayag ni VP Sara.
Ginamit ni VP Sara an halimbawa ngani manindugan sa seryosong problema kan gun violence sa Pilipinas asin kononekta ini sa orolay kan extrajudicial killings (EJK).
