Inihayag ni Vice President Sara Duterte na bako kawsa kan kaluyahan an saiyang pagdemiter bilang secretary kan Department of Education kundi bilang pagmakulog sa mga paratukdo asin estudyante.
Ini an tinawang duon kan Bise Presidente sa saiyang paghampang sa press conference makalihis na kumpirmaron an pagdemiter sa cabinet position makalihis an duwang taon na paninirbihan.
Segui ki Bise Presidente Sara, ipinasara niya an saiyang resignation ki Presidente Ferdinand Marcos Jr kasuodma na niresibe man kan Presidente.
Ini an makalihis an 30 aldaw na notice para sa maayos na paglilipat kan poder sa masunod na secretary kan department of education.
Sa nagin speech kan Bise Presidente, sinabi kaini na dawa bakop na siya an nagtitindog na secretary kan edukasyon, magtetenir man giraray na nakasubaybay asin matindog para sa kapakanan kan mga paratudo aisn estudyante sa nacion.
Pinasalamatan man an mga partner agencies kan gobierno, mga lokal na gobierno, private sector partners asin an saiyang ipigkokonsiderar na pamilya sa Department of Education.
Dae man sinabi kan opisyal an rason kan saiyang pagdemiter sa nasabing posisyon.
