LEGAZPI CITY– Ipigbuyagyag ni Vice President Sara Duterte na igwang nagkapirang katawo an nag-rani sa saiya bilan parte kan saiyang senatorial slate enkaso magdalagan sa pagka-presidente sa 2028 Elections.
Sinabi kan Bise Presidente na igwang apat na personalidad an nagrani saiya na pigkokonsidera niya.
Dai na man nagbanggit an Bise nin mga pangara na mawot magin senador niya.
Dagdag pa niya na padagos niyang pigkukumbinsi an napili niyang kandidato.
Marurumduman na kan nakalihis na bulan, inanunsiyo kan Bise Presidente an saiyang kandidatura bilang Presidente sa maabot na Election 2028.
