LEGAZPI CITY-Nanindugan si Vice President Sara Duterte na na wara siyang intensyon na agawon an pwesto ni Presidente Ferdinand Marcos Jr. asin nagtetenir na komitido sa saiyang sinumpaan na tungkulin sa irarom kan Konstitusyon.
Sa pakikipag-olay saiya, sinayumahan ni Duterte an mga pangapodan hale sa nagkapirang grupo asin mga retiradong opisyales kan militar para sa saiya na pamayohan an sarong People Power-like movement laban sa presenteng administrasyon.
Tinawan duon kan Bise Presidente na an anuman na pagbabago sa liderato kan nacion, dapat mag-agi sa legal asin konstitusyonal na mga proseso.
Pinahimutikan man kan Bise Presidente an mga pahayag na mawot niyang agawon an poder ki Presidente Marcos bago matapos an saiyang termino.
Susog sa mga report kan Abril 2026, nagkapirang grupo na pigbibilog kan mga dating opisyal kan militar an pigbabaretang naghahagad nin suporta para sa posibleng political action laban sa administrasyon, sarong bagay na pig-iimbestigaran asin pigbabantayan.
Mientrastanto, nagtetenir na pinaglalaoman ni Duterte an pagigin kandidato sa 2028 election.
