Hinagad ni Vice President Sara Duterte sa Supreme Court (SC) na tulos resolbahon an saiyang petisyon katakod kan kasong grave threats laban saiya sa Quezon City Regional Trial Court.
Sa urgent motion na may petsang Setyembre 7, hinagad ni Duterte sa SC na tulos aksiyunan ang saiyang request para sa temporary restraining order (TRO) asin writ of preliminary injunction nganing paramientras na mapapundo an pag-usad kan kaso.
Pigdoon kan bise presidente na igwa siyang immunity from suit bilang sarong sitting impeachable official.
Segun sa saiyang kampo, marikas na nag-uusad an criminal case kaya may peligro na mawaran nin saysay an saindang petisyon kun dae tulos maluwas nin orden an SC.
Binanggit kan bise presidente na ang Quezon City RTC Branch 98, na pinamamayuhan ni Judge Maria Angelica de Ramos, saro sa mga respondent sa saiyang petisyon, an inusad na an kaso makalihis mag-isyu nin warrant of arrest kan Setyembre 4 asin an saiyang arraignment an itinalaan na sa Setyembre 11.
