Inihayag ni Vice President Sara Duterte na kan nakalihis na taon pa niya ni-recruit an saiyang magiging running mate para sa 2028 elections.
Nagsayuma man siyang pangaranan an katandem nganing maprotehiran ini.
Inanunsyar ni Duterte kan Miyerkoles an saiyang pagdalagan bilang presidente sa 2028 elections.
Dae suboot niya ipinaaram sa ama na si dating Presidente Rodrigo Duterte an amay na deklarasyon kan saiyang kandidatura.
Pinili niyang dae muna ibuyagyag an laog kan note asin naghagad muna suboot nin permiso hale sa ama asin sa mga abogado kaini.
Dae man suboot aram kan saiyang mga tugang an saiyang anunsyo. Solamenteng an saiyang ina na si Elizabeth Zimmerman, an agom na si Atty. Manases Carpio, mga aki, asin an staff na nag-edit kan saiyang Tagalog speech an igwang suboot kaaraman mapadapit digdi.
