Imbes na maghampang sa mga lehislador, pinili ni Bise Presidente Sara Duterte na dae siputon an pinakaenot na hearing kan House Committee on Justice kasoodmang Miyerkoles katakod sa mga pigkakahampang niyang impeachment complaint.
Ipigdoon kan bise presidente na mas pagtutuunan niya nin pansin an pagtabang sa mga namamanwaang pigtitios an padagos na paghalangkaw kan presyo kan mga produktong petrolyo, kaysa magpartisipar sa inapod niyang third fishing expedition kan Mababang Kapulungan.
Sa saiyang opisyal na pahayag, tinawan-doon ni Duterte na warang nag-iiral na panuntunan na nag-oobliga sa sarong respondent na pisikal na mag-atendir sa mga hearing.
Pinaratangan man niya an komite na piggagamit sana an imbitasyon para sa pamumulitika.
Kasabay kan saiyang pagliban, tahasang sinabi ni Duterte na dapat nang ibasura kan komite an mga reklamo laban saiya huli sa kawaran nin bastanteng basehan.
Segun sa bise presidente, nagsumiter na an saiyang kampo nin opisyal na simbag kan Marso 16.
Magigiromdomang umabante an proseso nin komite makalihis kaining pormal na ideklara kan Marso 4 na ang duwang reklamo laban ki Duterte an sufficient in form, substance, asin grounds.
