Inengganyar ni Manila 6th District Rep. Benny Abante si Vice President Sara Duterte na magtestigo sa Kamara de Representantes ‘under oath’ o magtestigo nin nakapanumpa.
Ini an nganing mapasimbag kan bise presidente an gabos nin mga alegasyon laban saiya, huli an House Justice Committee suboot an tamang forum nganing kontrahon an mga nasabing alegasyon.
Pagdoon ni Abante, bako mawot kan komite na i-convict an bise presidente o sabihon na siya an guilty, asin imbes an mawot sana kaining maaraman an katotoohan sa likod kan mga alegasyon ipiggapo laban saiya.
Binalikan ni Abante an naenot na pahayag ni VP Sara na sisimbagaon niya an mga alegasyon sa ‘tamang forum.’
Buwelta kan lehislador, ini na an pagkakataon asin tamang forum nganing simbagon ni VP Sara an mga alegasyon asin komprontahon an mga nag-aakusar saiya siring ni Ramil Madriaga, an nagpabistong suboot dati niyang bagman.
Pagsierto kan lehislador, dadangugon ninda an gabos nin mga sasabihon ni VP Sara asin tatawan man nin tsansa na mailuwas an saiyang lado.
Mas makakatag man ini nganing makapag-desisyon ang mga miyembro kan justice panel ang pag-aram kun igwang probable cause sa mga reklamo.
