LEGAZPI CITY-Personal na nagatendir ngonian na aldaw si Vice President Sara Duterte sa pagdangog kan House Committee on Appropriations katakod kan propwestong P902.8 milyong budget kan saiyang ofisina para taong 2026.
Pigsagibo an deliberasyon sa lower House, kun sain pinag-olayan an alokasyon kan pondo para sa Office of the Vice President (OVP).
Magigirumduman na na-reschedule an pagdangog makalihis na dai magatendir si VP Duterte kan nakaaging semana, rason ngani ipagliban kan komite an orihinal na schedule.
Poon Setyembre 12, dai nagatendir si VP Duterte o maski saro sa undersecretary sa enot na pagdangog, kun sain assistant secretary sana an ipinadara alagad dai ini tinanggap bilang bastanteng kinatawan.
Segun sa mga mambabatas, tradisyon sa Kamara na an pinuno kan ahensya o sarong undersecretary an dapat maghampang sa budget hearing.
Katakod kaini an nagpaluwas man nin pahayag na OVP na nagsasabing handa sindang magatendir kan Setyembre 12, alagad pinayuhan suboot sind akan sponsor kan budget na dai muna ipadagos ini makalihis na warang undersecretary na makakaatendir.
An OVP, naglalaom nin nasa P902.8 milyon para sa 2026, mas halangkaw kumpara sa P744 milyon na alokasyon ngonian na taon.
Segun sa ofisina na an pondo, gagamiton para sa pagpapahewas kan mga programa asin serbisyo kan OVP.
Ini an enot na pagbisita ni VP Duterte sa Kamara poon pa kan Nobyembre 2024, kun sain huring naghampang sa isyu an Bise sa suboot pag-abuso kan pondo sa saiyang tanggapan.
An mga alegasyong ini an nagin parte kan batayan kan impeachment case na isinangat laban sa saiya kan nagkapirang mambabatas.
