LEGAZPI CITY-Obligado si Vice President Sara Duterte na mag-atendir sa gigibohong impeachment trial asin hampangon an saiyang mga akusasyon laban saiya, segun kay House Deputy Speaker Paolo Ortega.
Segun kay Ortega, kun nagbabalak si Duterte na magkandidato sa mas halangkaw na posisyon siring kan pagka Presidente, mas halangkaw na pamantayan an laoman sa saiya, kun kaya dapat siyang personal na magpaliwanag sa publiko.
Siring man, nagtutubod si Ortega na dai maatendir an Bise Presidente.
Sinabi pa niya na parte kan estratehiya kan kampo ni Duterte, arog kan dai niya pagsipot sa mga nakalihis na pagdangog sa Kamara.
Sa ibong kaini, pigsierto ni Ortega na handa an mga prosecutor sa anumang senaryo, kaiba an posibleng pag-boycott o pagpapahaba kan proseso kan depensa.
Dugang pa niya na basado sa huring survey, 8 sa kada 10 Pilipino an mawot nindang mapoonan na an pagdangog ngani makuwa an mga kasimbagan.
Piglalaoman na mapoon an impeachment trial sa Senado sa maabot na Hulyo 6 ngani mailatag an mga ebidensya asin matuldukan na an isyu.
