Nanindugan si Vice President Sara Duterte na dae ini mademitir sa pwesto kasunod kan pangapudan kan nagkapirang mga lehislador huli sa dae niya pag-atendir sa pagtukar kan Kamara de Representante sa propuestong P2-bilyon budget kan Office of the Vice President para sa taong 2025.
Sinabi kaini na dae siya mahali huli ta ipiglaag siya kan mga tawo sa pwesto asin nagtutubo an mga ini na magta trabaho siya para sa nacion.
Marurumduman na enot ng tinuyaw ninda House Assistant Majority Leader Jil Bongalon asin House Deputy Speaker Jayjay Suarez kan Quezon an bise presidente huli sa dae pag-atendir sa pagdangog kan Kamara sa pondo kan saiyang opisina.
Segun ki Duterte na dae niya sisimbagon an mga pagtuyaw na ini kan mga bagitong lehislador huli ta kaipuhan niyang magsimbag sa 32 milyon na nagboto saiya.
Nagtao man ini nin surat ki Lanao del Sur Rep. Zia Adiong na sponsor sa proposed P2-B budget kan Vice President sa 2025 kun sain nakalaag na naisumiter na ninda an gabos na mga dokumento sa House committee on appropriation dapit sa budget request.
