Nagdesisyon si Vice President Sara Duterte na dae maatendir sa pagdangog kan House Committee on Justice dapit sa saiyang impeachment, ngunyan na Marso 25.
Kinumpirmar ini kan saro niyang abogado na si Atty. Michael Poa.
Ini an enot na pagdangog kan impeachment complaints sa bise presidente na enot na napatunayang sufficient in form, substance asin grounds.
Kan Marso 16, nagsumiter an kampo ni Vice President Sara nin kasimbagan sa impeachment complaints makalihis na mahiling na sufficient in substance kan Marso 4.
Ipigpapabasura kan kampo kan bise presidente an mga alegasyon huli ta bako suboot impeachable offenses.
