Personal na binisita ni Vice President Sara Duterte ang mga residente na naapektuhan kan magnitude 7.8 na linog na nagtama sa Mindanao nganing aramon an saindang kamutagkan asin pangangaipuhan.
Sa sarong pahayag sa social media, sinabi ni VP Sara na enot niyang dinuman an Barangay Nuing sa Jose Abad Santos nganing personal na kumustahon an mga apektadong pamilya asin siertohon na mahahatod an kinakaipuhang tabang sa komunidad.
Segun sa Office of the Vice President (OVP), nagkaloob man an Bise Presidente ng ayuda sa mga residenteng naapektuhan kan makusog na pagyugo.
Makalihis an pagbisita sa Davao Occidental, nagpasiring man si Sara Duterte sa Sarangani Municipal Hospital asin sa sarong evacuation center sa Barangay Mabila sa Balut Island nganing surion an kamugtakan kan mga evacuee asin mga pasyenteng naapektuhan kan sakuna.
Nagpasiring man si VP Sara sa Glan, kung saen nakipag-olay siya sa mga pamilyang nag-ebakwar asin paramientras na nagtitinri sa Glan Tent City evacuation site. Binisita man niya an mga pasyenteng pigbubulong sa Philippine Emergency Medical Assistance Team Field Hospital.
