Kinanselar na ni Vice President Sara Duterte an nakatalaan sana kaining biyahe pasiring sa Japan.
An nasabing kanselasyon an sarong aldaw makalihis na iluwas kan Malacañang an saiyang travel authority.
Sinabi kaini, nababahala siya sa saiyang seguridad makalihis na isapubliko kan Malacañang an saiyang mga biyahe.
Enot nang sinabi kan Office of the President na sinda an nagluwas kan travel authority kan Agosto 17 sa Bise President para sa personal na biyahe sa Japan puon Agosto 19 hanggang 24 na warang gagastuson an gobierno.
Alagad kaining Agosto 18 an hinagad kan Office of the Vice President sa Malacañang na kanselaron an travel authority makalihis na magbago an plano kan Bise Presidente.
Dae naman nagtao pa nin anuman rason an Bise Presidente sa pagkanselar kan saiyang biyahe.
