LEGAZPI CITY — Isasairarom pa sa validation kan Police Regional Office 5 (PRO-5) an nagluwas na impormasyon na an ciudad kan Naga suboot an nangeot sa may pinakahalangkaw na monthly crime rate sa bilog na nacion.
Segun ki Pol. S/Insp. Maria Luisa Calubaquib, an tagapagtaram kan Bicol PNP, nagtao na kaito nin eksplinasyon an director kan Naga City Police Office kun sain an volume kan tawo an saro sa mga rason.
Segun digdi, may mga nagdadayo pa sa ciudad na hale sa ibang kataid na provincia ngani sana maggibo nin krimen siring kan panhahabas.
Oras man na ma-validate an report, inasegurar ni Calubaquib na mapaluwas nin pahayag an Bicol PNP.
Enot kaini, nagluwas sa datos kan Crime Research and Analysis Center kan PNP Directorate for Investigation and Detection Management (DIDM) na may 273.83 average monthly crime rate poon Enero sagkod Abril ngonian na taon an ciudad kan Naga na pinakahalangkaw sa bilog na nacion.
